Trabaja con nosotros

Mónica Caldeiro é unha poeta, artista escénica, escritora, investigadora e tradutora galega nada en Barcelona. A súa obra atópase en constante proceso de experimentación co texto poético e coa súa encarnación física. No ano 2011, foi poeta residente no programa de Spoken Word do Banff Centre. É autora, en castelán, dos libros Vaginas, cartografías y asteroides , La música de los planetas , Avispero e Latitud Sur . En catalán, escribiu o poema-libro Accident(ade)s de crema(r) . Estudo sobre o voo dos corzos (Xerais, 2025) é o seu primeiro libro en galego logo dun fondo proceso de recuperación da lingua materna. Fotografía da autora: Samuel Ramiro e Gabriel Quiñones.